फिदिम : पाँचथर सदरमुकाम फिदिमदेखि सुभाङतर्फ गइरहेको पिकअप भ्यानले बाटोमा हिँडिरहेका दम्पतीलाई ठक्कर दिँदा एक श्रीमानको घटनास्थलमै ज्यान गएको छ । श्रीमानसँगै हिँडिरहेकी श्रीमती गम्भीर घाइते भएकी छिन् । पिकअपको ठक्करबाट हिलिहाङ ५ का ४२ वर्षीय मोहमलाल रणपहेलीको घटनास्थलमै मृत्यु भएको हो । संगै हिँडिरहेकी रणपहेलीकी श्रीमती इन्द्रकला रहणपहेली गम्भीर घाइते भएकी छिन् ।
शुक्रबार राति फिदिमदेखि सुभाङतर्फ जाँदै गरेको पिकअपले बाटोमा हिँडिरहेका रणपेहेली दम्पतीलाई ठक्कर दिएको थियो । गम्भीर घाइते भएकी इन्द्रकलाको पाँचथर अस्पतालमा उपचार सम्भव नभएपछि झापास्थित वि एण्ड सि अस्पताल रेफर गरिएको प्रहरीले जनाएको छ । घटनापछि चालक अजिम सुहाङलाई प्रहरीले नियन्त्रणमा लिएर अनुसन्धान गरिरहेको जिल्ला प्रहरी कार्यालयले जनाएको छ ।
प्रतिक्रिया दिनुहोस !
