काठमाडौँः रुसमा हुने विश्वकप फुटबलको तयारीस्वरुप खेलाइएको अन्तर्राष्ट्रिय मैत्रीपूर्ण फुटबलमा अर्जेन्टिनाले इटालीलाई सजिलै पराजित गरेको छ ।
इङ्ल्यान्डस्थित म्यानचेस्टर सिटीको फुटबल मैदानमा शनिबार बिहान भएको खेलमा अर्जेन्टिनाले इटालीमाथि २–० को सहज जित दर्ता गरेको हो ।
स्टार खेलाडीहरु लियोनेल मेसी र सर्जियो एग्युएरोलाई प्लेइङ ११ मा नराखी मैदानमा उत्रिएको अर्जेन्टिनाले जितका लागि दुवै गोल दोस्रो हाफमा गर्यो । मेसी र एग्युएरो दुवै चोटका कारण इटालीविरुद्ध नखेलेका हुन् ।
इटालीको बलियो डिफेन्स लाइनलाई चिर्दै अर्जेन्टिनाले खेलको ७५ मिनेटमा बानेगाको गोलमा अग्रता लियो । त्यसैगरी खेलको ८५ औँ मिनेटमा लानजिनीले गोल गरेपछि अर्जेन्टिनाले मैत्रीपूर्ण भिडन्तमा २–० को जित दर्ता गर्यो ।
प्रतिक्रिया दिनुहोस !
८
