फिदिम : पाँचथर सदरमुकाम फिदिमदेखि भारपातर्फ गइरहेको बा २ क ६६८३ नम्बरको मिनी ट्रक दुर्घटना हँुदा एक जनाको घटनास्थलमै मृत्यु भएको छ । ट्रकमा सवार अर्का एक घाइते भएका छन् ।
आइतबार बिहान बिजुलीको सामान लिएर गएको ट्रक हिलिहाङ ७ भारपामा दुर्घटनामा परेको थियो । दुर्घटनामा महोत्तरी घर भएका ट्रकका सहचालक उमेश सिंह महासेठको मृत्यु भएको हो ।
महोत्तरिकै ट्रक चालक शम्भु महरा घाइते भएका छन् । दाहिने खुट्टामा चोट लागेर घाइते बनेका महराको पाँचथर अस्पतालमा उपचार भइरहेको छ । बिजुलीको सामान बोकेर मेची राजमार्गदेखि भारपाको सिमखर्कतर्फ जाने क्रममा ट्रक पछाडी सरेर पल्टिएको जिल्ला ट्राफिक कार्यालयका प्रमुख प्रेमकुमार शाहाले जानकारी दिए ।
ट्रक सडकबाट अन्दाजी आठ सय मिटर तल झरेको थियो ।
प्रतिक्रिया दिनुहोस !
