जंगलमा लागेको आगो फैलिएर घर जल्यो
फुङलिङ : जंगलमा लागेको आगो फैलिएर ताप्लेजुङमा एक घर जलेको छ । मंगलबार बेलुका फुङलिङ नगरपालिका–१० फुरुम्बुमा रहेको सोगिरा भीरमा लागेको आगोले नजिकै रहेको चन्द्रबहादुर कार्कीको घर पूर्णरुपमा जलेकोे हो।
घरबाट करिब दुई सय मिटर मुनी रहेको भीरमा लागेको आगो फैलिएर घरको छानामा सल्केपछि घरमा आगलागी भएको छिमेकी मनकुमारी कार्कीले जानकारी दिइन् ।
आगलागीले तीनतले टिनको छानो भएको घर र घरभित्र राखिएकोे ठूलो परिमाणको काठ, अन्नपात, लत्ताकपडालगायतका सामाग्री जल्दा करिब १२ लाख मुल्य बराबरको क्षति भएको स्थानीयको अनुमान छ । घर जलेपछि पीडित परिवार भने आफन्तको घरमा बसेका छन् ।
प्रतिक्रिया दिनुहोस !
