दिल्ली डेयर डेभिल्सको अभ्यास खेलमा सन्दीपको यस्तो अनुभव (भिडियो)
चैत १५, २०७४ बिहीबार १९:२३:०
काठमाडौं : इन्डियन प्रिमियर लिग (आईपीएल) को सिजन ११ मा दिल्ली डेयर डेभिल्सबाट खेल्न नेपाली खेलाडी सन्दीप लामिछाने दिल्ली पुगेका छन् । उनी अहिले अभ्यास खेलमा व्यस्त छन् ।
आउँदो अप्रिल ८ देखि हुने आईपीएलको ११ औँ सिजनका लागि मंगलबार दिल्ली पुगेका सन्दीपसँग कुराकानी गरेर दिल्ली डेयर डेभिल्सले उनको भिडियो ट्विटरमा सार्वजनिक गरेको छ ।
भिडियोमा सन्दीपले अग्रज खेलाडीसँग अभ्यास गर्न पाउँदा आफू खुशी रहेको बताएका छन् । उनले ड्रेस चेन्जिङ रुममा अग्रज साथीहरुसँग अनुभव शेयर गर्न पाएको र रमाइलो अनुभूति भएको बताएका छन् ।
उनले अभ्यासका लागि ग्राउण्डमा समेत अग्रज खेलाडीसँग सँगै मैदानमा हुँदा धेरै राम्रो अनुभव भइरहेको बताए । आईपिएलका लागि दिल्लीले सन्दीपलाई २० लाख भारतीय रुपैयाँमा किनेको थियो ।
प्रतिक्रिया दिनुहोस !
