पाल्पा : रामपुर नगरपालिका–३ ढापखोलास्थित नहरमा शनिबार एक पुरुष मृत भेटिएका छन् । रामपुर फाँट सिँचाइ आयोजना अन्तर्गत रहेको नहरमा बगाएर ल्याएको अवस्थामा स्थानीयले एउटा शव फेला पारेका हुन् ।
मृतावस्थामा फेला परेको पुरुषको शव निस्दी गाउँपालिका–२ सहलकोट घर भई हाल रामपुर नगरपालिका–१ छम्के बस्दै आएका ५३ वर्षीय नरबहादुर सारुको रहेको इलाका प्रहरी कार्यालय रामपुरले जनाएको छ ।
स्थानीयवासीले नहरले बगाएर ल्याएको अवस्थामा शव भेटिएपछि प्रहरीलाई खबर गरेका थिए । शवको कुनै पनि भागमा चोट नरहेकाले नहरमा खसेर मृत्यु भएको हुन सक्ने प्रहरीले जनाएको छ । रामपुर अस्पतालमा शव परीक्षण भइरहेको बताइएको छ । रासस
प्रतिक्रिया दिनुहोस !
