रोनाल्डो चम्किएपछि रियलको सहज जित

काठमाडौं : युरोपियन च्यापियन्स लिग फुटबलमा स्पेनिस क्लब रियल मड्रिडले सहज जित निकालेको छ । च्याम्पियन्स लिग फुटबलको क्वाटरफाइनल अन्तरगत पहिलो लेगमा इटालियन क्लब युभेन्टसलाई उसकै मैदानमा ३-० ले पराजित गरी सेमिफाइलन प्रवेशको सम्भावनालाई बलियो बनाएको छ ।

रियल मड्रिडलाई जित दिलाउने क्रममा क्रिटियानो रोनाल्डोले २ गोल र मार्सेलोले १ गोल गरे । खेलको तस्रो मिनेटमै रोनाल्डोले गोल गरी टोलीलाई अग्रता दिलाएका थिए । पहिलो हाफ १-० मा टुंगिएकोमा ६४ औं मिनेटमा रोनाल्डोले व्यक्तिगत दोस्रो गोल गरी अग्रता दोब्बर बनाए । डिफेन्डर मार्सेलोले ७२ औं मिनेटमा गोल गरेका थिए । रियलका अर्का मुख्य स्ट्राइकर बेल भने खेलेका थिएनन् ।

६६ औं मिनेटमा युभेन्टसका पाउलो डिबाला दोहोरो पहेँलो कार्ड खादै मैदान छोड्न बाध्य भए पछि युभेन्टस १० खेलाडीमा सीमित भएको थियो ।
अर्को लेग अब ११ अप्रिलमा रियल मड्रिडको घरेलु मैदानमा हुनेछ ।

स्पेनिस ला लिगामा उपाधि होडमा निकै पछि रहेको र कोपा डेल रेबाट बाहिरिएको रियल मड्रिडको यस सिजनमो मुख्य लक्ष च्याम्पियन लिग नै रहेको छ।

च्याम्पियन लिगकै मंगलबारको अर्काे खेलमा जर्मन क्लब वार्यन म्युनिखले स्पेनिस क्लब सेभिल्लालाई २-१ ले पराजित गर्‍यो । अर्काे स्पेनिस पावरहास बार्सिलोनाले च्याम्पियन लिगमा आज राति इटालियन क्लब रोमाको सामना गर्दैछ । आजैको अर्काे खेलमा दुई इंग्लिस क्लब म्यानचेस्टर सिटी र लिभरपुल भिड्दैछन ।