धादिङ : बेनिघाट रोराङ गाउँपालिका–२ घैराङमा चट्याङ लागेर बुधबार बिहान एक जनाको मृत्यु भएको छ । मृत्युहुनेमा घैराङका ४० वर्षीय श्यामबहादुर विक रहेका छन् ।
घरमा सुतिरहेका वेला मंगलबार राती चट्याङ पर्दा गम्भीर घाइते भएपछि उपचारका क्रममा गजुरीस्थित प्राथमिक स्वास्थ्य केन्द्रमा उनको मृत्यु भएको जिल्ला प्रहरी कार्यालय धादिङका प्रहरी नायब उपरीक्षक रामबहादुर केसीले जानकारी दिए । चट्याङबाट घरमा सामान्य क्षति पुगेको छ ।
प्रतिक्रिया दिनुहोस !
