संखुवासभा : चैनपुर नगरपालिका–२ सल्लेरीमा आइतबार दिउँसो को २ त ५८०५ नम्बरको ट्याक्टर दुर्घटना हुँदा तीनको मृत्यु भएको छ । मृत्यु हुनेमा मादी नगरपालिका–७ का टंक पौडेल, हर्कबहादुर राई र राजेन्द्र राई रहेको इलाका प्रहरी कार्यालय चैनपुरले जनाएको छ ।
दुर्घटनामा चालक रमेश श्रेष्ठ घाइते भएका छन् । उनको चैनपुर उपस्वास्थ्य चौकीमा उपचार भइरहेको छ । मृतक मध्ये दुईको घटनास्थलमै र एकजनाको सोही उपस्वास्थ्य चौकीमा उपचारका क्रममा मृत्यु भएको हो ।
बिजुलीको पोल लिएर चैनपुरबाट फेरुङ्गेतर्फ जाँदै गरेको अवस्थामा ट्याक्टर दुर्घटनामा परेको हो । यसैगरी आइतबारनै चिचिला गाउँपालिकास्थित भित्री सडकमा ट्याक्टर चढ्ने क्रममा लडेर चिचिला–४ का ५७ वर्षीय कृृष्णबहादुर थापाको मृत्यु भएको छ ।
को २ त ५९८ नम्बरको ट्याक्टर चढ्ने क्रममा लडेर गम्भीर घाइते भएका थापाको खाँदवारी अस्पतालमा उपचारका क्रममा साँझ मृत्यु भएको जिल्ला प्रहरी कार्यालय संखुवासभाले जनाएको छ । रासस
प्रतिक्रिया दिनुहोस !
