बलात्कार गर्न खोजेको अभियोगमा मोसो र जुत्ताको माला

बलात्कार गर्न खोजेको अभियोगमा मोसो र जुत्ताको माला

धनगढी : अर्काकी श्रीमतीलाई बलात्कार गर्न खोजेको आरोपमा यहाँका एक युवालाई स्थानीयबासीले मोसो दलेर जुत्ता चप्पलको माला लगाइदिएका छन् ।

कैलारी गाउँपालिका-१ निवासी टुक्की नामले परिचित किसान प्रसाद चौधरीलाई अर्काकी श्रीमतीलाई बलात्कार गर्न खोजेको आरोप लगाउँदै गाउँलेले आइतबार मोसो दल्दै जुत्ताको माला लगाइएका हुन् ।

श्रीमान् वैदेशिक रोजगारीमा रहेकी महिलाको घरमा परिवारका अन्य सदस्य नभएको मौका छोपेर चौधरीले बलात्कार गर्न खोजेको आरोप गाउँलेले लगाएका छन् ।

शनिवार मध्यरातमा ती महिलाको घरैमा पसेर उनले बलात्तकार गर्न खोजेको आरोप भेला भएका गाउँलेले लगाएका छन् ।

ती युवाले शारीरिक सम्बन्ध राख्न खोज्दा महिलाले प्रतिकार गरेकी थिइन् । त्यसपछि उनले ती महिलालाई कुटपिट गरेका थिए । कुटपिटपछि महिला चिच्याउँदा सुनेर गाउँले उनको घरमा आएका थिए ।

घटनापछि आइतबार स्थानीयबासी ती युवालाई नियन्त्रणमा लिएर मोसो दल्दै जुत्ताको माला लगाइएका हुन् । चौधरीले गल्ती स्वीकार्दै माफी मागेका थिए । स्थानीयबासीको पञ्चभेलाले २ लाख रुपैयाँ जरिवाना पनि तिराएको छ । चौधरीले त्यो रकम पीडितलाई १० दिनभित्र दिनुपर्ने शर्त राखिएको छ ।

घटनाबारे जानकारी पाएपछि जिल्ला प्रहरी कार्यालय कैलालीले अनुसन्धान थाल्न स्थानीय युनिटलाई निर्देशन दिएको छ । जिल्लाको निर्देशनपछि इलाका प्रहरी कार्यालय हसुलियाका प्रहरी नायव निरिक्षक शंकर दत्त जोशी नेतृत्को टोली घटनाबारे बुझ्न गएको थियो ।


प्रतिक्रिया दिनुहोस !

लोकप्रिय

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.