दमौली : बेहोस अवस्थामा उद्धार गरिएको एक चितुवाको दमौलीमा मृत्यु भएको छ । तनहुँको पूर्कोट बाईसजाँगरबाट बेहोस अवस्थामा स्थानीयले समातेर वन कार्यालय तनहुँलाई बुझाएको चितुवाको कार्यालयमै ज्यान गएको हो ।
कुनै खाद्यपदार्थ खाएपछि बेहोस ठानिएको चितुवालाई देखेपछि स्थानीयले वन कार्यालयलाई खबर गरेका थिए । स्थानीयकै सहयोगमा वन कर्मचारीले उद्धार गरेका चितुवालाई उपचारको प्रयास गर्दागर्दै ज्यान गएको वन अधिकृत अम्बिका पौडेलले बताए ।
‘उपचारका लागि पशु कार्यालयलाई अनुरोध गरेका थियौं,’ उनले भने,‘उनीहरु नआइपुग्दै ज्यान गएछ ।’ चितुवालाई कुनै विषाक्त पदार्थ दिएको ठानिएको छ । त्यस क्षेत्रको जंगलमा चितुवा सक्रिय भएको स्थानीयको गुनासो थियो । कार्यालयले त्यसविषयमा अनुसन्धान गर्ने अधिकृत पौडेलले बताए ।
प्रतिक्रिया दिनुहोस !
