प्रचण्ड अस्वस्थ हुँदा एकीकरण बैठक स्थगित

प्रचण्ड अस्वस्थ हुँदा एकीकरण बैठक स्थगित

काठमाडौं : वाम एकता संयोजन समितिको बुधबारको बैठक स्थगित भएको छ । चैत २२ गते बसेको वाम एकता संयोजन समितिको बैठकमा दुई कार्यदलले तयार पारेको छुट्टाछुट्टै प्रतिवेदन बुझाइएको थियो । कार्यदलले तयार पारेको राजनीतिक तथा संगठनात्मक प्रतिवेदनमा सहमति नजुटेका विषय एकता संयोजन समितिमार्फत टुंग्याउन बुधबार ५ बजे बैठक बोलाइएको थियो ।

एकता संयोजन समितिका सदस्य तथा माओवादी केन्द्रका अध्यक्ष पुष्पकमल दाहाल अवस्थ्य भएकाले बैठक स्थगित भएको माओवादी नेता नारायणकाजी श्रेष्ठले अन्नपूर्णलाई जानकारी दिए । एकता संयोजन समितिका सदस्यसमेत रहेको श्रेष्ठले भने, ‘बैठक कहिले बस्ने टुंगो लागेको छैन । अध्यक्षको स्वास्थ्यमा सुधार आयो भने भोलि पनि बैठक बस्न सक्छ,’ उनले भने । दाहाल सामान्य बिरामी भएकाले आराम गरिरहेका छन् ।

कार्यदलले बुझाएको प्रतिवेदनमाथि संयोजन समितिले छलफल गरी टुंग्याउने कार्यदेश छ । ‘जनयुद्ध’ शब्द राख्ने कि नराख्ने, निर्वाचन चिह्न तथा केन्द्रदेखि गाउँपालिकासम्म एकीकरणपछिको पार्टी कमिटीमा एमाले–मााओवादीबाट कतिकति राख्ने भन्ने विषय एकता संयोजन समितिमै छलफल गरी टुंग्याउने उल्लेख छ । यी विषयमाथि एकता संयोजन समितिले छलफल गरी टुंग्याएपछि पार्टी एकता घोषणा हुनेछ ।

कार्यदलले २ सय ९९ सदस्यीय केन्द्रीय कमिटी, १ सय ५१ को प्रदेश कमिटी र ७५ सदस्यीय जिल्ला कमिटी तथा ७५ सदस्यीय महानगर, ७१ सदस्यीय उपमहानगर तथा ५१ सदस्यीय नगर तथा गाउँपालिका स्तरको कमिटी र २५ सदस्यीय वडा तहको कमिटी रहने प्रस्तावित खाका तयार गरेको छ । कार्यदलले तयार गरेको संगठनको खाकामाथि पनि संयोजन समितिले आवश्यक छलफल गरी निर्णय लिनेछ । एकीकृत पार्टीको सिद्धान्त भने महाधिवेशनले मात्रै टुंग्याउनेछ ।


प्रतिक्रिया दिनुहोस !

सम्बन्धित खबर

लोकप्रिय

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.