बाबु–आमाको निधन भएको चार वर्षपछि बच्चाको जन्म
एजेन्सी : बाब–ुआमा मरेको चार वर्षपछि चीनमा एक बच्चाको जन्म भएको छ । कार दुर्घटनामा बाबु–आमाको मृत्यु भएको चार वर्षपछि सेरोगेट मदरबाट ती बच्चा जन्मिएका हुन् ।
बच्चाका बाबु आमाको सन् २०१३ मा कार दुर्घटनामा मृत्यु भएको थियो । यही बेला उनीहरुका धेरै भु्रण चिस्यान गरेर नान्जिङ अस्पतालमा राखिएको थियो । दुर्घटनापछि उनीहरुको भू्रण प्रयोग गर्न ‘ग्रेन्डप्यारेन्टस’ले कानुनी लडाई लड्नु परेको थियो ।
२०१७ डिसेम्बरमा त्यही भू्रणबाट सेरोगेट आमाले त्यो बालकको जन्म दिएका चिनिया सञ्चार माध्यमले सार्वजनिक गरेका छन् । दुर्घटनाको समयमा नै नान्जिङ अस्पतालमा ती दम्पतीको भू्रणलाई माइनस १९६ डिग्री सेन्टिग्रेड चिसो तापक्रम भएको तरल नाइट्रोजन ट्याङ्कमा राखिएको थियो ।
अदालती लडाईमा चार ‘ग्रेन्डप्यारेन्टस’ लाई प्रजननका लागि त्यो भ्रूण प्रयोग गर्ने अधिकार प्राप्त भयो । यसभन्दाअघि यसरी बालबालिकाको भ्रूणलाई प्रजनन अधिकार दिएको नजिर छैन् ।
प्रतिक्रिया दिनुहोस !
