राष्ट्रपति रनिङ सिल्डको प्रभाव घट्दै
बझाङ : विद्यालय स्तरिय राष्ट्रपति रनिङ् सिल्ड प्रतियोगिताप्रति उत्साह घट्दै गएकाे छ। विद्यार्थीको शारीरिक तथा मानसिक विकासका लागि सञ्चालन हुँदै आएकोे रनिङ सिल्डमा विद्यालयको न्यून सहभागिता हुन थालेपछि उत्साह घटेको हो ।
विगतका वर्षमा निर्वाचन क्षेत्र स्तरिय हुँदै आएको रनिङ सिल्ड यसवर्षदेखि जिल्ला सदरमुकाममा मात्र सञ्चालन भइरहेको छ । चैनपुरको सत्यवादी माविको प्राड्गणमा सञ्चालन भइरहेको १० औं राष्ट्रपति रनिङ सिल्ड प्रतियोगितामा ८ वटा विद्यालय मात्र सहभागी भएका छन् ।
रनिङ सिल्डमा सत्यवादी मावि , जालपा , सुनिपिपल चौर , जनप्रिय मावि , गर्जेपानी मावि, शिक्षोदय मावि , पाण्डु मावि र खप्तड मावि कालुखेती गरी ८ विद्यालय सहभागी छन् ।
भलिवल , रिले दौड , हाईजम्प , लम्जम्प , कवडी गरी १६ वटा खेलमा प्रतिस्पर्धा भइरहेको जिल्ला खेलकुद समितिका अध्यक्ष प्रकाशबहादुर सिंहले वताए ।गत वर्षपनि सहभागी विद्यालय न्युन रहेका थिए । बझाँङमा ६० बढी माध्यमिक विद्यालय छन्।
प्रतिक्रिया दिनुहोस !
