रारामा ओलीले बोल्दा बोल्दै ढलेका वडाध्यक्षको मृत्यु
![रारामा ओलीले बोल्दा बोल्दै ढलेका वडाध्यक्षको मृत्यु](https://annapurnapost.prixacdn.net/media/albums/20180414061815_death_Okhb57DZCo.jpg)
मुगु : रारा–कर्णाली पर्यटन वर्ष–२०७५ को उद्घाटन समारोहमा सहभागी जुम्लाका एक वडाध्यक्षको शनिबार कार्यक्रमस्थलमै ढलेपछि मृत्यु भएको छ ।
जुम्लाको कनकासुन्दरी गाउँपालिका–७ का वडाध्यक्ष कालीबहादुर घर्तीको कार्यक्रम चलिरहेकै बेला मृत्यु भएको हो । ६० वर्षीय घर्ती महोत्सवमा सहभागी हुन दुई दिन हिँडेर रारा आएका थिए । स्थानीय तह निर्वाचनमा घर्ती नेकपा (एमाले) बाट निर्वाचित भएका थिए ।
प्रधानमन्त्री केपी शर्मा ओलीले महोत्सवलाई सम्बोधन गरिरहेका बेला उनी ढलेका छन् । नजिकै रहेको स्वास्थ्य शिविरमा लैजाँदै गर्दा उनको मृत्यु भएको थियो ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)