राजविराज : बसको ठक्करबाट घाइते भएका टंकबहादुर थापा मगरको उपचारको क्रममा मृत्यु भएको छ। सप्तरीको फत्तेपुरबाट राजविराज आउँदै गरेको यात्रुबाहक बसको ठक्करबाट घाइते कञ्चनरुप नगरपालिका ८ का ५० वर्षीय चन्द्रदेव थापा भनिने टंकबहादुर थापा मगरको मृत्यु भएको सप्तरी प्रहरीले जनाएको छ।
थापाको घोपा क्याम्प धरानमा उपचारको क्रममा मृत्यु भएको इलाका प्रहरी कार्यालय कञ्चनरुपले जनाएको छ। बसले कञ्चनपुरस्थित पूर्व–पश्चिम लोकमार्गको चन्द्र नहरमा बिहीबार ठक्कर दिई गम्भीर घाइते बनाएको थियो। बसलाई प्रहरीले नियन्त्रणमा लिएको छ।
प्रतिक्रिया दिनुहोस !
५
