आईपीएल: इडन गार्डनमा पाँच वर्षपछि कोलकातालाई पञ्जावले हरायो
कोलकाता: इडन गार्डनमा किङ्ग्स इलेभन पञ्जाबले डकवर्थ लुइस नियमका आधारमा कोलकाता नाइटराइडर्सलाई ९ विकेटले पराजित गरेको छ।
कोलकाताले दिएको १९२ रनको चुनौती पछ्याएको पञ्जाबले ८.२ ओभरमा ९६ रन बनाएको थियो । त्यसपछि पानी परेर खेलमा बाधा पुर्यायो। पानीरोकिएपछि डकवर्थ लुइस नियमका आधारमा पञ्जाबलाई १३ ओभरमा १२४ रनको चुनौती मिल्यो ।
क्रिस गेल र केएल राहुलको अर्धसतक सहयोगमा पञ्जाबले ११.१ ओभरमा चुनौती भेट्टायो । २०१३ पछि पहिलो पटक पञ्जाबले इडन गार्डनमा जीत हासिल गर्यो । यसभन्दाअघि कोलकाताले क्रिस लिनको ७४ रनको सहयोगमा २० ओभरमा ७ विकेट गुमाउँदै १९१ रन बनाएको थियो ।
सतकीय साझेदारी
ओपनर क्रिस गेल र केएल राहुलले पहिलो विकेटका लागि ११६ रनको साझेदारी गरे । राहुल ६० रन बनाएर आउट भए। उनलाई म्यान अफ द म्याच अवार्ड दिइयो । गेल ६२ र मयंक अग्रवाल २ रन बनाएर नट आउट रहे। कोलकाताका सुनिल नारेनले १ विकेट लिए ।
प्रतिक्रिया दिनुहोस !
