रावा बैंकका सहायक प्रबन्धक ५० हजार घुससहित समातिए
काठमाडौँः राष्ट्रिय वाणिज्य बैंक बैंक बर्दिबास शाखा कार्यालयका सहायक प्रबन्धक जगदीशप्रसाद काफ्ले ५० हजार घुससहित पक्राउ परेका छन् । काफ्लेलाई उनकै कार्यकक्षबाट अख्तियार दुरुपयोग अनुसन्धान आयोग बर्दिबासको टोलीले सोमबार ५० हजार घुससहित पक्राउ गरेको हो ।
अख्तियारको बर्दिबास कार्यालयका अनुसार नेपाल सरकारबाट प्रदान गरिने सहुलियत दरको कृषि ऋणका लागि ऋणीबाट घुस बापद ५ प्रतिशत रकम लिइरहेको अवस्थामा काफ्ले पक्राउ गरेका हुन् ।
बर्दिबास–९ स्थित रञ्जना गाई फर्मका लागि स्वीकृत भएको १० लाख ऋणमा काफ्लेले ५ प्रतिशत कमिशन मागेपछि सेवाग्राहीले अख्तियारलाई खबर गरेका थिए ।अख्तियारको टोलीले नेपाल विद्युत् प्राधिकरण जलेश्वर शाखाका दुईजना कर्मचारीलाई केही दिनअघि घुसहित पक्राउ गरेको थियो ।
प्रतिक्रिया दिनुहोस !
