नयाँ शक्तिका करिब डेढ सय नेता-कार्यकर्ता एमालेमा

काठमाडौँ: नेकपा एमाले र नेकपा माओवादी केन्द्रबीच एकता प्रक्रिया चलिरहेका बेला नयाँशक्ति नेपालका दर्जनौँ कार्यकर्ता एमालेमा प्रवेश गरेका छन् । 

एमालेको मुख्यालय धुम्बाराहीमा आयोजित एक कार्यक्रममा नयाँ शक्ति नेपालका कार्यकारिणी सदस्य तथा पूर्व शिक्षा राज्यमन्त्री लीला भण्डारीसहित १४६ जना कार्यकर्ता एमालेमा प्रवेश गरेका हुन् । 

प्रधानमन्त्री तथा नेकपा एमालेका अध्यक्ष केपी शर्मा ओलीले नवप्रवेशी कार्याकर्ताहरुलाई स्वागत गरे । एमालेमा प्रवेश गर्नेहरुमा कतारका लागि पूर्वराजदूत माया शर्मा पनि छन् । त्यसैगरी नयाँ शक्ति पार्टीका केन्द्रीय कार्य समितिका सदस्य नृपबहादुर बोहोरा पनि एमालेमा प्रवेश गरेका छन् । 

पार्टी केन्द्रीय कार्यलयमा आज आयोजित एक कार्यक्रमबीच पूर्वराज्य मन्त्री तथा नयाँ शक्ति नेपालका कार्यकारिणी सदस्य लिला भण्डारी , पूर्व राजदूत माया शर्मा , सुकदैया चौधरी, कार्यकारी सदस्य तथा पूर्व संसद नृपबहादुर वाहोरा प्रदेश नं. ७ का सचिव, कमला शाही कार्यकारिणी सदस्य र कञ्चनपुर जिल्लाका संयोजक जनक साउदसहित १४६ जना सहित एमालेमा प्रवेश गरेका हुन ।

२०६४ सालको पहिलो संविधानसभा निर्वाचनमा तत्कालीन नेकपा माओवादीबाट कैलाली ६ मा निर्वाचित भण्डारी पछिल्लो समय डा. बाबुराम भट्टराई नेतृत्वको नयाँ शक्ति पार्टीमा थिइन् । पार्टी प्रवेश गर्नेहरुलाई पार्टी अध्यक्ष तथा प्रधानमन्त्री केपी शर्मा ओलीले पार्टी प्रवेश गराएका हुन ।