जाजरकोट : जाजरकोटको जुनिचाँदे गाउँपालिका वडा नं ११ कोर्ताङस्थित स्वास्थ्यचौकीको उपचार सेवा प्रभावित भएको छ । बिहीबार राति आएको हावाहुरीले भवनको छाना उडाएपछि स्वास्थ्य सेवा प्रभावित हुनुका साथै प्रसूति सेवा बन्द भएको छ ।
हावाहुरीले प्रसूति भवनको छाना उडाइदिएपछि सुत्केरीलाई खुला आकाश मुनि चौरमा राखेर प्रसूति गराउन बाध्य हुनुपरेको कोर्ताङ स्वास्थ्यचौकीका इन्चार्ज अशोक यादवले जानकारी दिए । उनले भने, ‘अन्य बिरामीलाई खुला आकाशमुनि राखेर उपचार गर्न खासै समस्या नभए पनि सुत्केरी गराउन भने निकै समस्या परेको छ ।’ छाना मर्मतका लागि पहल गरिदिन गाउँपालिकालगायत सम्बन्धित निकायमा आग्रह गरिएको यादवले बताए ।
प्रतिक्रिया दिनुहोस !
