शक्ति देखाउन भन्दै दुर्इ धामी कर्णालीमा हामफालेः एकको मृत्यु, एक बेपत्ता
वैशाख १६, २०७५ आइतबार १०:२७:०
बाजुरा : शक्ति देखाउने भनेर कर्णली नदीमा हामफालेका दुई झाक्री मध्ये एकको निधन भएको छ भने एक वेपत्ता भएका छन् । नदीमा हामफाल्नेमा जगन्नाथ गाँउपालिका–१ का ६१ वर्षीय मान सिंह बिष्ट सोही ठाउँका ५३ वर्षीय जयबहादुर बिष्ट रहेकाछन् ।
स्थानीयले बताए अनुसार उनीहरु स्थानीयलाई शक्ति देखाउन भनी आइतबार बिहान नदीमा हामफालेका थिए ।
नदीमा हाम फालेका मध्ये मान सिंह बिष्टको शव फेला परेको र जयबहादुर हराइरहेको बाजुराका प्रमुख जिल्ला अधिकारी लुकबहादुर क्षेत्रीले जानकारी दिएका छन् । बेपत्ताको खोजी कार्य जारी रहेको जिल्ला प्रहरी कार्यालय बाजुराले जनाएको छ ।
प्रतिक्रिया दिनुहोस !
