काठमाडौं : बारिष्टा दावुटी शेर्पाले यबसन्त ऋतुमा सगरमाथा र ल्होत्से हिमालको चुचुरोबाट बिश्वबजारमा नेपाली कफीको सकारात्मक सन्देश पु¥याउने लक्ष्य राखेकी छिन् । विदेशी कफीकै भरमा नेपाल चल्दै आएको र कफी उत्पादनको प्रवल सम्भावना र बजारको उचित व्यवस्थापन कम्जोर भएकाले यसको प्रचारमा वारिष्टा आफै चुचुरोबाट सन्देश प्रवाह गर्ने तयारीमा जुटेकी हुन् ।
वारिष्टा दावुटीले कफीको प्रचारको लक्ष्यसहित एकै मौसममा सगरमाथा र ल्होत्से हिमालको आरोहण गरी नयाँ कीर्तिमान राख्ने तयारीमा छिन् । आरोहण अनुमती र बिमा पायोनियर एड्भेन्चर कम्पनीबाट अनुमती लिएर सेभेन समिट ट्रेकबाट उनी हिमाल आरोहण गर्दे छिन् ।
दावुटी यसै साता सगरमाथाको तेस्रो क्याम्प सम्म पुगेर आरामको लागि आधार शिविर फर्केको छ, उनको क्षमता र आत्मबल बढी भएकाले हिमाल आरोहण गर्न सक्ने देखेकोे आरोहण गाइड पासाङ ग्याल्जेन शेर्पाले बताए । ल्होत्से आरोहणका लागि १० आरोहण दलका १ सय ७ जना आरोही रहे पनि यो मौसममा दुवै हिमाल आरोहण गर्ने उनी पहिलो नेपाली हुन् ।
पहिलो पटक सर्वोच्च शिखरबाट कफीको प्रचार गरेर नेपाली अर्थतन्त्रमा सहयोग पु¥याउने लक्ष्य लिएको भन्दै उनको प्रयासलाई व्यवसायीहरुले सम्मान गरेको छ । कीर्तिमान भन्दा पनि नेपालमा कफीको अवस्था विदेशीकै भरमा हुनु पर्ने प्रचारप्रसारलाई ध्यान नदिनुनै कमजोर भएको व्यवसायी सुमन श्रेष्ठ बताउछन् । शेर्पाले पहिलो यसै साता ल्होत्से हिमालको आरोहण गरी फर्केर पुन सगरमाथा आरोहणमा जाने योजनामा छिन् ।
पर्यटन विभागको तथ्यांकअनुसार सगरमाथा आरोहणका लागि सबैभन्दा धेरै ३४ विदेशी आरोहण दलका ३ सय २६ आरोही र ४ नेपाली आरोहण दलका २० गरी कुल ३ सय ४६ आरोहीले यो ऋतुमा आरोहण अनुमति लिएका छन् ।
प्रतिक्रिया दिनुहोस !
