प्रिमियर लिगमा म्यानचेस्टर युनाइटेडको अप्रत्याशित हार
काठमाडौँः इङ्लिस प्रिमियर लिगमा म्यानचेस्टर युनाइटेडले ब्राइटनसँग अप्रत्याशित हार व्यहोरेको छ । युनाइटेडलाई झट्का दिने क्रममा ब्राइटनले १–० को जित दर्ता गराएको हो । सिजनको अन्तिममा आएपछि लय गुमाएको युनाइटेडलाई पराजित गर्न ब्राइटनका ग्रोसले खेलको ५७ औँ मिनेटमा निर्णायक गोल गरे ।
म्यानचेस्टरका स्टार खेलाडीहरु फ्लप हुँदा ब्राइटनले अप्रत्याशित जित दर्ता गराउन सफल भयो । यो जितपछि ब्राइटन ३६ खेलबाट ४० अंकसहित लिगको ११ औँ स्थानमा छ।
पराजित भएको म्यानचेस्टर युनाइटेडले च्याम्पियन्स लिग करिब पक्का गरिसकेको छ । उसले पनि ३६ खेलबाट ७७ अंकसहित आफूलाई लिगको दोस्रो स्थानमा उभ्याएको छ ।
यो सिजनको उपाधि जितिसकेको म्यानचेस्टर सिटी भने ३५ खेलबाट ९३ अंकसहित लिगको पहिलो स्थानमा छ ।
प्रतिक्रिया दिनुहोस !
