बझाङ : बझाङको थलारा गाँउपालिकामा खहरे खोलाले बगाउँदा एक्कै परिवारका चारसहित पाँच जनाको मृत्यु भएको छ। थलारा गाउँपालिका ४ का २८ वर्षीय हर्क विक, उनकी श्रीमती २५ वर्षीया डल्लीदेवी, सात वर्षीया छोरी मनिसा, चार वर्षीय छोरा सक्षम र सोही ठाउँका कलसा विकको मृत्यु भएको प्रहरीले जानकारी दिएको छ ।
शनिबार राति करिब ८ बजे तिर उनीहरुलाई खोलाले बगाएको थियो। खोलाले स्थानीयलाई बगाएको खबर पाएपछि प्रहरीसँगै थलारा गाउँपालिकाका अध्यक्षसहितको टोली घटनास्थल पुगेको थियो। सुरुमा तीन जनाको शव भेटेको टोलीले मनिसा र सक्षमको शव ढिलामात्र फेला पारेको थियो।
अविरल बर्षका कारण १९ गते जयपृथ्वी राजमार्ग अन्तरगत पर्ने जयपृथ्वी नगरपालिका ७ मा समेत खहरे खोलाले से १ ज ८२० नम्बरको जीप बगाउदा तीन जनाको मृत्यु भएको थियो।
प्रतिक्रिया दिनुहोस !
