काठमाडौंः माओवादी केन्द्र, संघीय समाजवादी फोरम नेपाल र नयां शक्ति पार्टीबीच राष्ट्रिय मुद्दामा गृहकार्यगर्दै अघि बढ्ने अनौपचारिक सहमति भएको छ । सहमति अनुसार आआफनो पार्टीको आधिकारीक निकायबाटै वार्ताको लागि ती पार्टीहरुले आग्रह गरेका छन् । फोरम नेपालको तीन दिने केन्द्रीय समितिको शुक्रबार सम्पन्न बैठक र नयां शक्तिको शनिबारसम्पन्न दुई दिने सचिवलाय बैठकले बिचार, दृष्टिकोण र कार्यक्रम मिल्ने शक्तिहरुसंग खुला र खुलस्त रुपमा सहकार्य गर्न सक्ने निर्णय गरेका छन् ।
एमाले र माओवादीबीच गत असोज १७ गते पार्टी एकता गर्ने सहमति भएको थियो । सो सहमतिलाई पूर्ण बिराम दिन भन्दै सार्वजनिक भएको वैशाख ९ गतेको तीथिमा पार्टी एकीकरण हुन नसकेपछि केही शंका र आशंका राख्दै माओवादी अध्यक्ष पुष्पकमल दाहालले फोरम अध्यक्ष उपेन्द्र यादव र नयां शक्तिका अध्यक्ष डा. बाबुराम भट्टराईसंग निकट हुँदै आएका छन् ।
यसैक्रममा उनीहरुबीच कार्यगत एकताको उद्देश्य राख्दै हाललाई राष्ट्रिय मुद्दामा कुनै प्रकारको सहकार्य गर्ने अनौपचारिक सहमति भएको छ । सो सहमति अनुसार नयाँ शक्तिले मुद्दा, एजेण्डा तथा कार्यक्रम मिल्ने दलसँग मात्र पार्टी एकता गर्ने भन्ने निर्णय गरेको छ । सो पार्टीका संगठन विभाग प्रमुख गंगाराम श्रेष्ठले अन्नपूर्णसंग आइतबार कुराकानीगर्दै भने,‘ मुद्दा वा एजेण्डा मिल्नेहरुसँग कार्यगत एकता, सहकार्य गर्ने र विचार, लक्ष्य, नीति, कार्यक्रम, शैली मिल्नेसँग एकतागर्ने नीतिमा पुगेका छौं ।’ उनलेभने,‘ पार्टी एकताका विषयमा माओवादी अध्यक्ष पुष्पकमल दाहाल र नयाँ शक्तिका संयोजक डा.बाबुराम भट्टराई र फोरमका अध्यक्ष उपेन्द्र यादवबीच छलफल भएका छन् । यद्दपि ती छलफल ठोस निष्कर्षमा पुगेका छैनन् । ’
फोरमको शुक्रबार सम्पन्न छौटौं केन्द्रीय समिति बैठकले पनि जिम्मेवार पार्टीहरुसँग एकताका लागि आह्वान गरेको जानकारी महासचिब रामसहाय यादवले दिए । उनले भने,‘ मधेसका मुद्दाको संवोधन नै कुनै प्रकारको एकता जो कोहीसंग हुनेछ ।’ सो अनुसार नभएकोले प्रधानमन्त्री केपी ओलीको सरकारमा गएनौ । यसैगरी अन्य पार्टीहरुसंग पनि कुनै प्रकारको एकता संभव नरहेको यादवले बताए । यद्दपि यसका लागि बिचार मिलनेहरुसंग औपचारिक सहमति नभएको उनले बताए । प्रधानमन्त्री ओलीले सबै मुद्दाको संवोधन गर्ने प्रतिवद्धता अनुसार लिखित सहमति नगरेसम्म आफुहरु सत्तामा जान सक्दैनौ महासचिब यादवले बताए ।
नयां शक्ति संगठन विभाग प्रमुख श्रेष्ठले एक प्रश्नमा माओवादी अध्यक्ष दाहालले पार्टी एकताको प्रस्तावमा सहअध्यक्ष लिन गरेको आग्रहभन्दा पनि ठूलो कुरा मुद्दा, एजेण्डा र कार्यक्रममा प्रतिवद्धता जनाउनु पर्ने बताए । ‘नयां समाजवादी केन्द्र’ बनाउन जो तयार हुन्छ, उसैसंग एकता गर्ने आफुहरुको खुला प्रस्ताव रहेको छ’ उनले भने । सहसंयोजक दिने जस्ता प्राविधिक पक्षलाई ध्यान दिनुको कुनै अर्थ नरहेको उनले बताए । पछिल्लो दुई हप्ता यता प्रचण्डले बाबुरामसँग पटकपटक भेटवार्ता गरिरहेका छन् । प्रधानमन्त्री समेत रहेका एमाले अध्यक्ष ओली एकताप्रति नरम नभएपछि प्रचण्ड ओलीसँग सशंकित बन्दै डा. भट्टराईसंग लचक भएका हुन् ।
प्रतिक्रिया दिनुहोस !
