मोदीलाई स्वागत गर्न जनकपुरका घरघरमा कलश
जनकपुरः वैशाख २८ गने आउन लागेका भारतीय मुख्यमन्त्री नरेन्द्र मोदीको स्वागतका लागि घर अगाडि सफा राख्न प्रदेश नम्बर २ का मुख्यमन्त्री मोहम्मद लालबाबु राउतले जनकपुरबासीलाई निर्देशन दिएका छन् ।
मुख्यमन्त्री राउतले मंगलबार आफ्नै निवासमा पत्रकार सम्मेलन गरेर स्थानीयलाई घर अगाडि सफासँगै पानी भरिएको पूजाको कलश राख्न जनकपुर उपमहानगरबासीसँग अपिल गरेका हुन् ।
मोदीको भ्रमण भव्य बनाउन अपिल गर्र्दै उनले विभिन्न सञ्चारमाध्यमयमा वैशाख २८ गते विहान ७ बजे नै मोदी जनकपुर आउने समाचारको पनि खण्डन गरेका छन् । उनले अभिनन्दन कार्यक्रममा विहान १० बजेभित्र बाह्रविघा मैदान प्रवेश गरिसक्नुपर्ने प्रष्ट पारे ।
राउतले समारोह स्थलमा प्रवेशका लागि उत्तर तर्फको प्रवेशद्वारबाट सहज प्रवेशको व्यवस्था मिलाइएको पनि जानकारी गराए । ‘पास लिनुपर्ने भनेर पनि गलत अपवाह फैलिएको छ’, उनले भने, ‘म प्रष्ट पार्न चाहन्छु, समारोहथल पुग्न सर्वसधारणले पास लिनुपर्दैन ।’
अभिनन्दनस्थल बाह्रविघामा पूर्वको गेटबाट भीआईपी, दक्षिण गेटबाट भीभीआईपी र पश्चिम गेटबाट सञ्चारकर्मीलाई प्रवेश गर्न दिनेछ । जानकी मन्दिर, विमानस्थल र बाह्रविघामा सञ्चारकर्मीलाई प्रवेश र सहज समाचारका लागि पास उपलब्ध गराउने÷नगराउनेबारे प्रदेश सरकार अझै अन्यौलमा छ ।
प्रतिक्रिया दिनुहोस !
