आईपीएलमा कोलकाताको लज्जास्पद हारपछि शाहरुखले माफी मागे
कोलकाता: इन्डियन प्रिमियर लिग (आईपीएल) को क्रेज दर्शकहरुमा दिन दिनै बढ्दो छ । तर आफूल् समर्थन गरेको टिमका खेलाडीले मैदानमा राम्रो प्रदर्शन गरेनन् भने दर्शकहरुलाई निराशा मात्रै हात लाग्छ ।
यस्तै अवस्था यो सिजनको आईपीएलमा पूर्वविजेता कोलकाता नाइटराइडर्सले उत्पन्न गरेको छ । यो सिजन लगातार खेल गुमाइरहेपछि उसका दर्शक पनि निराश भएका छन् ।
यस्तो अवस्थामा जो कोहीले हारका लागि टिमको तर्फबाट माफी माग्न पनि तयार हुँदैन । तर केकेआरको निराशजनक प्रदर्शनका लागि मालिक तथा बलिउड अभिनेता शाहरुख खानले फ्यानसँग माफी मागेका छन् ।
उनले सामाजिक सञ्जालमा आफ्नो भनाइ राख्दै माफी मागेका हुन् । 'खेल जोशसँग जोडिएको हुन्छ । हार या जीतले यसलाई दर्शाउन सक्दैन । त आज एक मालिक हुनुको नाताले म कोलकाता टीमको जोशमा आएको कमीका लागि प्रशंसकसँग माफी माग्न चहान्छु ।'
गएराति खेलिएको आईपीएलको खेलमा मुम्बईले कोलकातालाई १०२ रनले पराजित गरेको थियो । यस हारका साथै कोलकाताको टीम शीर्ष ४ बाट बाहिरियो । अर्कातिर मुम्बईको टीमले जितका साथ शीर्ष चारमा स्थान बनाएको छ । उसले प्लेअफमा पुग्ने सम्भावनालाई बलियो बनाएको छ ।
शाहरुख अहिले निर्देशक आननद एल रायको फिल्म 'जीरो' को सुटिङमा व्यस्त छन् । यस फिल्ममा उनले एक फरक क्षमता भएको व्यक्तिको भूमिका निभाएका छन् । यस फिल्ममा अनुष्का शर्मा र क्याटरिना कैफ पनि मूख्य भूमिकामा छन् ।
प्रतिक्रिया दिनुहोस !
