ओलीलाई मोदीले भने आदरणीय ‘कोली’जी
जनकपुरः भारतीय प्रधानमन्त्री नरेन्द्र मोदी नेपालका प्रधानमन्त्री केपी शर्मा ओलीलाई सम्बोधन गर्ने क्रममा चुकेका छन् ।
रामायण सर्किटको उद्घाटनका क्रममा जानकी मन्दिर परिसरमा ५ मिनेट लामो मन्तब्य राख्ने क्रममा मोदीले तीन पटकसम्म ओलीलाई ‘कोली’ भन्दै सम्बोधन गरेका हुन् ।
आफूलाई जनकपुरमै स्वागत गर्न आएकोमा खुसी हुँदै मोदीले भने, ‘आदरणीय मेरा भाइ सा’व नेपालका प्रधानमन्त्री केपी शर्मा ओली (ओली) मेरो स्वागतमा जनकपुर आइपुग्नुभएकोमा म धेरै खुसी छु’, मोदीले भने, ‘भारतको पहिलो प्रधानमन्त्रीका रुपमा आज जनकपुरमा आइपुगेको छु । राजा जनकको माता जानकीलाई प्रणाम गर्ने शौभाग्य पाउँदा हर्षविभोर भएको छु ।’
मोदीले ५ मिनेट लामो भाषण गरिरहँदा नेपालका प्रधानमन्त्रीको नाम थरमा अलमल रहेको उनको भाषणका क्रममा थाहा हुन्थ्यो । ओली, नेपाल सरकार, राज्य सरकार र नगर सरकारको प्रशंसामा शब्द खर्चिरहँदा मोदीले ओलीलाई ‘कोली’ शब्द पटक पटक दोहोर्याए ।
प्रतिक्रिया दिनुहोस !
