भारतीय प्रधानमन्त्री मोदीसँग पूर्वप्रधानमन्त्रीको संयुक्त भेट
काठमाडौं : जनकपुरबाट नेपालको राजकीय भ्रमण सुरु गरेका भारतीय प्रधानमन्त्री नरेन्द्र मोदीले नेपालका पूर्वप्रधानमन्त्रीसँग संयुक्त भेटवार्ता गरेका छन् ।
शुक्रबार साँझ बत्तीसपुतलिस्थित होटल द्वारिकाजमा मोदीले पूर्वप्रधानमन्त्रीहरुसँग संयुक्त भेटवार्ता गरेका हुन् । मोदीसँगको भेटमा पूर्वप्रधानमन्त्रीहरु माधवकुमार नेपाल, भलनाथ खनाल, शेरबहादुर देउवा, पुष्पकमल दाहाल‘ ‘प्रचण्ड’मन्त्रिपरिषद्का पूर्व अध्यक्ष खिलराज रेग्मीलगायत सहभागी थिए ।
पूर्वप्रधानमन्त्रीसँगको भेटवार्ता दुई देशको हित र चासोको विषयमा केन्द्रित भएको थियो । त्यसअघि मोदीले प्रधानमन्त्री केपी शर्मा ओली, उपराष्ट्रपति नन्दबहादुर पुन, राष्ट्रपति विद्यादेवी भण्डारीसँग भेटवार्ता गरेका थिए । मोदी शुक्रबार बिहान नजकपुर हूँदै काठमाडौं आएका हुन् । जनकपुरमा जानकी मन्दिरको दर्शन गरेका मोदीलाई प्रदेश २ को सरकारले जनकपुरमा नागरिक अभिनन्दन गरेको थियो ।
प्रतिक्रिया दिनुहोस !
