काठमाडौँ महानगरपालिकाको चाबी मोदीलाई
काठमाडौँः काठमाडौँ महानगरपालिकाको चाबी भारतीय प्रधानमन्त्री नरेन्द्र मोदीलाई हस्तान्तरण गरिएको छ ।
महानगरका प्रमुख विद्यासुन्दर शाक्यले राष्ट्रिय सभागृहमा आयोजित एक कार्यक्रमबीच महानगरकोतर्फबाट प्रतिकात्मक चाबी मोदीलाई हस्तान्तरण गरेका हुन् ।
महानगरको ढोका मोदीका लागि सदैव खुल्ला रहने सन्देशसहित प्रतीकात्मक चाबी मोदीलाई हस्तान्तरण गरिएको हो । यसअघि जनकपुर उपमहागरपालिकाको चाबी पनि मोदीलाई हस्तान्तरण गरिएको थियो ।
चाबी हस्तान्तरण गरिएपछि मोदीले जनकपुर उपमहानगरलाई १ अर्ब आर्थिक सहयोग गर्ने घोषणा गरेका छन् ।
महानगरपालिकाका प्रमुख विद्यासुन्दर शाक्यले मोदीलाई अभिनन्दन पत्र र उपहार हस्तान्तरण गरे। नेपाल र भारतको गहिरो सम्बन्धलाई प्रधानमन्त्री मोदीको नेपाल भ्रमणले थप सुदृढ बनाएको अभिनन्दन पत्रमा उल्लेख छ।
दुई देशको सम्बन्ध बहुआयामिक रहेको उल्लेख गर्दै अभिनन्दन पत्रमा नेपालको विकास र समृद्धिको चाहनालाई सफल बनाउन भारतको महत्वपूर्ण भूमिका हुने लेखिएको छ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)