विराट कोहलीको आरसीबीविरुद्ध आईपीएलमा सन्दीपको डेब्यु
काठाडौँः नेपालका युवा स्पिनर सन्दीप लामिछानेलाई दिल्ली डेयर डेभिल्सले बल्ल प्लेइङ ११ मा उतारेको छ । संयोग कस्तो परेको छ भने सन्दीपले भारतीय कप्तान विराट कोहली नेतृत्वको रोयल च्यालेन्जर्स बैंगलोरविरुद्ध आईपीएलमा डेब्यु गरेका हुन् ।
इन्डियन प्रिमियर लिग (आईपीएल) को यो सिजनको अक्सनमा २० लाख भारतीय रुपैयाँमा दिल्लीले किनेका सन्दीपले यसअघि कुनै खेलमा अवसर पाएका थिएनन् ।
यसअघिका १० खेलमा अवसर नपाएका सन्दीपलाई दिल्लीले आईपीएलको प्लेअफको दौडबाट बाहिरिएपछि अवसर दिएको हो ।
दिल्लीले फिरोज शाह कोटल मैदानमा टस हार्दै ब्याटिङको निम्तो पाएको छ । ताजा अवस्थामा दिल्लीले ५.५ ओभर ब्याटिङ गर्दै २ विकेटको क्षतिमा ४५ रन जोड्न सकेको छ ।
जारी इन्डियन प्रिमियर लिगमा दिल्ली ११ खेलबाट केबल ६ अंक मात्रै बटुल्दै तालिकाको सबैभन्दा पुच्छरमा रहेको छ ।
प्रतिक्रिया दिनुहोस !
