सन्दीपले लिए पहिलो विकेट, पार्थिव पटेल आउट
काठमाडौँः नेपाली क्रिकेटर सन्दीप लामिछानेले डेब्यु खेलमा रोयल च्यालेन्जर्स बैंगलोरको विकेट लिन सफल भएका छन् । उनले २.४ ओभरमा आरसीबीका पार्थिव पटेललाई एलबीडब्लु धरापमा पार्दै पेभेलियन पठाएका हुन् ।
इन्डियन प्रिमियर लिग (आईपीएल) अन्तरगत दिल्लीले दिएको १८२ रनको लक्ष्य पछ्याएको रोयल च्यालेन्सजर्सविरुद्ध सन्दीप लामिछानेले सुरुमै बलिङको अवसर पाएका थिए ।
१० खेलपछि सन्दीपलाई मैदानमा उतारेको दिल्लीले उनलाई बैंगलोरको जवाफी इनिङको पहिलो ओभरमै बलिङको अवसर दिएको हो । सन्दीपले अहिले आरसीबी ओपनरहरू पार्थिब पटेल र मोइन अलीविरुद्ध बलिङ गरेका थिए। उनले पहिलो ओभर बलिङ गर्दै ६ रन दिएका थिए । तेस्रो ओभरमा उनले ८ बलमा केबल ६ रन बनाएको अवस्थामा पार्थिव पटेललार्इ पेभेलियन पठाउन पनि सफल भए ।
यसअघि पहिलो ओभरमा सन्दीपपछि बलिङ गरेका ट्रेन्ट बोल्टले आरसीबीका मोइन अलीलार्इ पहिलो बलमै पेभेलियन पठाएका थिए । सन्दीपको डेब्यु खेलमा दिल्ली डेयर डेभिल्सले रोयल च्यालेन्जर्स बैंगलोरलाई १८२ रनको चुनौती दिएको थियो ।
फिरोज शाह कोटला मैदान भएको खेलमा टस हारेर ब्याटिङको निम्तो पाएको दिल्लीले रिसभ पन्तको ६१ रनको मद्धतमा मध्यम योगफल बनाउन सफल भएको थियो ।
प्रतिक्रिया दिनुहोस !
