आर्इपीएलमा सन्दीपको डेब्यु: बैंगलोरसँग दिल्ली ५ विकेटले पराजित
काठमाडौँः नेपाली युवा क्रिकेटर सन्दीप लामिछानेले डेब्यु गरेको खेलमा दिल्ली डेयर डेभिल्स रोयल च्यालेन्जर्स बैंगलोरसँग ५ विकेटले पराजित भएको छ ।
बैंगलोरलाई जिताउने क्रममा नटआउट रहेका एबी डिभिलियर्सले ३७ बलमा ७२ रनको योगदान दिए । त्यसैगरी विराट कोहलीले ४० बलमा ७० रनको गतिलो पारी खेले । कोहली र डि भिलियर्सले तेस्रो विकेटका लागि सतकीय साझेदारी गर्दै जितको आधार खडा गरे ।
अन्य ब्याटसम्यानको प्रदर्शन विर्सन लायक रह्यो । दिल्लीका लागि सबैभन्दा किफायती बलिङ सन्दीपले गरे ।
उनले ४ ओभर बलिङ गर्दै केबल २५ रन मात्रै खर्चिएर बैंगलोरको एक विकेट लिए । सन्दीपले पार्थिप पटेललाई ८ बलमा ६ रन बनाएको अवस्थामा पेभेलियन फर्काए ।
त्यसैगरी बोल्टले ४ ओभर नै बलिङ गर्दै ४० रन खर्चेर २ विकेट लिन सफल भए ।
यसअघि फिरोज शाह कोटला मैदानमा टस हारेर पहिले ब्याटिङ गरेको दिल्लीले पुरै २० ओभर खेल्दै ४ विकेटको क्षतिमा १८१ रन बनाएाको थियो ।
दिल्लीका लागि रिसभ पन्तले ३४ बलमा सर्वाधिक ६१ रनको योगदान दिए । त्यसैगरी नटआउट रहेका अभिषेक शर्माले १९ बलमा ४० रन बनाए । बैंगलोरका लागि युजभेन्द्र चाहलले सर्वाधिक २ विकेट लिएका थिए ।
प्रतिक्रिया दिनुहोस !
