प्रदेश सांसद हरिशरण लामिछानेको निधन
भक्तपुर: भक्तपुर निर्वाचन क्षेत्र नं. १ प्रदेश 'ख' बाट निर्वाचित प्रदेश नं ३ का प्रदेशसभा सदस्य हरिशरण लामिछानेको निधन भएको छ ।
मतिष्तघातका कारण उपचारका क्रममा सिनमामंगलस्थित काठमाडौं मेडिकल कलेजमा सोमबार दिउँसो १ बजे उनको निधन भएको नेकपा एमाले भक्तपुर जिल्ला कार्यबहाक अध्यक्ष बच्चन देउजाले बताए ।
मुगुको रारा क्षेत्रको भ्रमण सकेर शनिबार साँझ घर आइपुगेका ५१ वर्षीय लामिछाने अस्वस्थ भएपछि उपचारका लागि आइतवार केएमसीको भेन्टिलेटरमा भर्ना गरिएको थियो । उनको आजै पशुपति आर्यघाटमा अन्त्येष्टि गरिने कार्यबहाक अध्यक्ष देउजाले बताए ।
चाँगुनारायण नगरपालिका-६ (तेलकोट) निवासी लामिछाने एमाले जिल्ला कमिटी भक्तपुरका सचिव समेत थिए । उनी नेकपा एमालेको तर्फबाट भक्तपुर क्षेत्र नं १ प्रदेश नं 'ख' का प्रदेशसभा सदस्य थिए । लामिछानेका तप्नी, एक छोरा र ३ छोरी छन् ।
प्रतिक्रिया दिनुहोस !
