द बाइसाइकल थिभ्स
सन् १९८४ मा निर्मित इटालियन सिनेमा हो, द बाइसाइकल थिभ्स । एउटा गरिब परिवारले सामना गर्नु परेको समस्यालाई फिल्मले देखाउन खोजेको छ । बाबु एन्टोनियो र छोरो ब्रुनो फिल्ममा मुख्य पात्र छन् । जागिर पाउनकै लागि एन्टोनियोले साइकल किन्छ । एक दिन काम गरिरहेको ठाउँबाट उसको साइकल हराउँछ । नयाँ साइकल किन्ने पैसा हुँदैन ऊसँग । साधन नभए जागिर हुँदैन । उसलाई आपत् पर्छ । यही आपत्लाई फिल्मको मुख्य विषय बनाइएको छ । फिल्मले सन् १९५० को ‘एकेडेमी अनरेरी अवार्ड’ नै जित्न सफल भएको थियो ।
टु वुमन
अल्बर्टो मोरिभियाको पुस्तक टु वुमनको फिल्मी संस्करण हो फिल्म । युद्धको त्रासदीमा एउटा महिलाले आफ्नो दुई सन्तानलाई जोगाउन गरेको प्रयास फिल्मको मुख्य विषय हो । दोस्रो विश्वयुद्धका बेला रोममा पनि आक्रमण हुन्छ । रामकी एक महिला सेसिराले दुई छोरीसहित रोम छाड्छे । उनीहरू एक दुर्गम गाउँमा पुग्छन् । २२ डिसेम्बर १९६० मा रिलिज गरिएको यो सिनेमाले दोस्रो विश्वयुद्धमा सर्वसाधारणले भोग्नु परेको अप्ठ्यारोलाई चित्रित गरेको छ । फिल्ममा सोेफिया लोरेन, जिन पल बेलमोन्डोको भूमिका देख्न पाइन्छ ।
म्यारिज इटालियन स्टाइल
एक सफल बिजनेसम्यान डोमेनिको र फिलुमेनाको प्रेमसम्बन्धलाई फिलुमेनाले देखाएको छ । फिलुमेना १७ वर्षीया युवती हुन्छे । उनीहरू प्रेमसम्बन्धमा पर्छन् । त्यसपछि एउटै अपार्टमेन्टमा पनि बस्न थाल्छन् । उसले गोप्य रूपमा तीनवटा बच्चासमेत जन्माउँछे । तर, उता डोमेनिकोचाहिँ अर्कै कुनै युवतीसँग विवाह गर्ने योजना बनाइरहेको हुन्छ । यस्तो अवस्थामा फिलुमेनाले अनेक हथकन्डा अपनाएर ऊसँगै विवाह गर्छे । सन् १९६४ मा रिलिज गरिएको यो फिल्म एक सय दुई मिनेट लामो छ ।
मिराकल इन मिलान
फिल्मकी एक पात्र लोलोताको जिन्दगीमा एक नयाँ बच्चा आउँछ । यो बच्चा उसले जन्माएकी हुँदिन, भेट्टाएकी हुन्छे । केही वर्षपछि लोलोताको मृत्यु हुन्छ । भेट्टाएको केटो टोटो पनि हुर्किसकेको हुन्छ । उ टुहुरो बन्छ । लोलोताको प्रेमले ऊ पनि एकदमै दयालु र मायालु पनि हुन्छ । ऊ घरबार नभएका केटाहरूको ग्रुपमा पनि हिँड्छ । तर, एक समयपछि आफैंलाई सुधार्दै पनि लैजान्छ । एक सय मिनेट लामो यो फिल्म फेब्रुअरी ८, १९५१ मा रिलिज भएको थियो ।
द भोयज
सन् १९७४ मा रिलिज गरिएको ड्रामा फिल्म हो, द भोयज । लुइगी पिरान्डेलोको यही नामको नोभेलमा आधारित छ यो फिल्म । एन्तोनियो ब्रागीको गाडी दुर्घटनामा मृत्यु हुन्छ । एन्तोनियोकी श्रीमती एन्ड्रिआना शोकमा पर्छे । फिल्मको कथा त्यति बेला मोडिन्छ जब एन्तोनियोको भाइ सेसरले विधवा भाउजूसँग ‘अफेयर’ गाँस्न थाल्छ । यो सम्बन्धको कुरा एन्तोनियो बिरामी भएर अस्पताल पुगेपछि डाक्टरले थाहा पाउँछ । सिसेरा उपचार गर्न नमिल्ने रोगबाट ग्रसितसमेत हुन्छे । उसलाई सेसरले हरेक कुरामा सहयोग गर्छ ।
प्रतिक्रिया दिनुहोस !
