बर्दिबासः महोत्तरी प्रहरीले पेस्तोलसहित झण्डै २ सय किलो लागुऔषध गाँजा बरामद गरेको छ । एकडारा गाउँपालिका—३ अजमलपट्टीमा भारततिर पठाउन प्याकिङ्ग गरेर लुकाइराखेको अवस्थामा हतियार र गाँजा बरामद गरिएकोे जिल्ला प्रहरी कार्यालय महोत्तरीका एसपी कुवेरर कडायतले जनाए ।
प्रहरी टोलीले छापा मार्दा लागु औषध गाँजा, पेस्तोल र त्यसमा प्रयोग हुने गोली बरामद गरेको छ । अजमलपट्टीका जितेन्द्रकुमार मण्डलको घर र आँगनमा रातो प्लाष्टिकले प्याकिङ्ग गरेर राखेको अवस्थामा ४६ किलो गाँजा (१२ पाकेट), तौल गर्ने डिजिटल बेटिङ मेशीन १ थान, कमानी तराजु १ थान , दुई सय ग्रामको २ थान ढक र सय ग्रामको १ थान ढक बरामद गरिएको प्रहरीले जनाएको छ ।
जितेन्द्रका छिमेकी चुनचुन देवी मण्डलको घर भित्रबाट हतियारसहित गाँजा बरामद भएको छ । रातो प्लाष्टिकमा प्याक गरेको गाँजा एक सय ४० किलो (१९ पाकेट), सामसुङ कम्पनीको मोबाइल १ थान, घर कम्पाउण्ड बाहिरको टोकरीमा राखेको घाँस भित्र हरियो रंगको कपडाले बेरी लु्काइराखेको घरेलु बनावटको अटोमेटिक पुरानो पेस्तोल १ थान, गोली १ थान र मिस फायर ३ राउण्ड गोली बरामद गरिएको छ ।
समाचारको लागी फोटो पनि पठाएको छु ।
प्रतिक्रिया दिनुहोस !
