पुलबाट खोलामा ट्रक खस्दा एकको मृत्यु, दुई घाइते
बेनिघा(धादिङ) : पृथ्वी राजमार्गको नौबिसे-मुग्लिन सडकखण्ड अन्तरगत धादिङको बेनिघाट रोराङ गाउँपालिका –१० मा रहेको हुग्दी खोला पुलबाट ट्रक खसेको छ।
खाेलामा खसी ट्रक दुर्घटना हुँदा ट्रकमा सवार एक जनाको मृत्यु भएको र दुई जना घाइते भएको प्रहरीले जनाएको छ । काठमाडौंबाट चितवनतर्फ जाँदै गरेको ना ५ ख १५६८ नं को ट्रक बुधबार बिहान पुलबाट खोलामा खसेको थियो । ट्रक तीब्र गतिमा भएका कारण खोलामा खसेको प्रहरीको भनाइ छ ।
दुर्घटनामा परी मृत्यु हुनेमा नवलपुर जिल्ला मध्यविन्दु नगरपालिका–१० का २३ वर्षीय शेरबहादुर सोमह मगर रहेको प्रहरीले जानकारी दिएको छ । घाइत हुनोन घाइेत मध्यविन्दु–१० कै मनोज आले र अर्घाखाँची गंगा नगरपालिका घर भएका लेखबहादुर घर्ती रहेका छन् ।
घाइतेलाई स्थानीयबासी र जोगीमारा प्रहरीले उद्धारगरी राजमार्ग सामुदायिक अस्पतालमा प्राथमिक उपचारपछि थप उपचारका लागि काठमाडौं पठाइएको छ ।