एजेन्सी: इन्डियन प्रिमियर लिग (आईपीएल) को यो सिजनमा दिल्ली डेयर डेभिल्सको यात्रा प्ले अफ भन्दा पहिले नै समाप्त भयो । दिल्लीका लागि सुरुवात गतिलो रहेन तर अन्त्य भने स्मरणीय रह्यो । यसको अर्थ के हो भने यस सिजनमा सुरूका दुई खेलमा हारेको दिल्लीले आफ्ना अन्तिम दुई खेलमा भने शानदार जित निकाल्यो ।
अन्तिम दुई खेलमा दिल्लीले चेन्नई सुपर किङ्ग्स (२ पटकको आईपीएल च्याम्पियन) र मुम्बई इन्डियन्स (३ पटकको आईपीएल च्याम्पियन र साविक विजेता) लाई हरायो ।
यस सिजनमा दिल्लीले १४ मा ५ खेलमा जित निकाल्यो भने साविक बिजेता मुम्बईलाई दुई पटक नै पराजित गर्यो । तर पनि दिल्ली प्ले-अफका लागि छनौट हुन असफल रह्यो ।
तर यसका बावजुद दिल्लीले यस्ता केही खेलाडी पायो जसले समग्र क्लबकै प्रदर्शनलाई यादगार बनाइदिए । यस सिजन दिल्लीका लागि ऋषभ पन्त (६८४ रन) सहित सबैभन्दा धेरै स्कोर गर्ने खेलाडीकारुपमा छन् । अर्कातिर ट्रेन्ट बोल्ट (१८ विकेट) सहित सर्वाधिक विकेट लिने खेलाडी बनेका छन् ।
दिल्लीका शीर्ष ३ प्रतिभावान खेलाडी
१) सन्दीप लामिछाने
दिल्लीका लागि यस सिजनमा केही नयाँ प्रतिभावान खेलाडीहरुले गरेको प्रदर्शन अविस्मरणीय रह्यो । यसमा सबैभन्दा पहिलो नाम नेपालका लेग स्पिनर सन्दीप लामिछानेको छ।
जसले जति अवसर पाए त्यसको भरपूर फाइदा उठाए। लामिछानेलाई अन्तिम ३ खेलमा अवसर मिल्यो । र, उनले यी तीनै खेलमा १६.४४ को औसतमा ५ विकेट लिए । यस क्रममा लामिछानेले ६.८३ को इकोनोमीले रन खर्च गरे । जुन एक टी-२० खेललाई हेर्ने हो भने धेरै शानदार हो। मुम्बई इन्डियसविरुद्ध अन्तिम लिग म्याचमा सदीन्पले अमित मिश्रासँग मिलेर दिल्लीको जीतमा अहम भूमिका खेले ।
२) पृथ्वी शा
यस सूचीमा दोस्रो खेलाडी हुन् पृथ्वी शा । जब दिल्लीका दुवै विदेशी बलर ब्याटसम्यानले दिल्लीलाई गतिलो सुरुवात दिलाउन सकेनन् तब आएको अवसरलाई उनले सदुपयोग गरे ।
अन्डर १९ टिमलाई च्याम्पियन बनाउने कप्तान पृथ्वी शाले उत्कृष्ट अन्दाजमा फाइदा उठाउँदै ९ खेलमा २४५ रन बनाए । पहिलो खेलमै १० बलमा २२ रनको पारी खेल्दै पृथ्वीले आफूलाई प्रमाणित गरे ।
त्यसपछि दिल्लीका लागि लगातार उनले ओपनरको भूमिका निर्वाह गरे । कोलकाताविरुद्ध शाले ६२ रनको शानदार पारी खेले। यस पुरै सिजन उनले १५३ को स्ट्राइक रेटमा रन बनाए ।
३) अभिषेक शर्मा
तेस्रा खेलाडी हुन् अभिषेक शर्मा । जसले पहिलो खेलमै आफूतर्फ सबैको ध्यान तान्न सफल भए । रोयल च्यालेन्जर्स बैंगलोरविरुद्ध अभिषेकले केबल १९ बलमा ४६ रनको विस्फोटक पारी खेल्दै आफ्नो छोटो ट्रेलर देखाए ।
जसले आगामी दिनमा धेरै आशा जगाइदिएका छन् । तर अभिषेकलाई बलिङको मौका मिलेन । दिल्ली आगामी सिजनमा उनी क्लबका लागि चम्किलो तारा बन्ने आशा जनाएको छ।
प्रतिक्रिया दिनुहोस !
