अवैध असुली गर्ने तीन पक्राउ
![अवैध असुली गर्ने तीन पक्राउ](https://annapurnapost.prixacdn.net/media/albums/accident_20180524081254_Q69Jyg0rJR.jpg)
दमौली : तनहुँ प्रहरीले असुली गरिरहेको अवस्थामा तीन युवालाई पक्राउ गरेको छ । व्यास नगरपालिका वडा नं. १ भादगाँउ छाब्दी दोभानस्थित केशवटार दमौली बुद्धसिंह मार्गमा बालुवा लिएर आई रहेको ना ६ त १३२६ नं. को ट्क्याटरलाई रोकेर धम्क्याउँदै रकम असुली गर्ने स्थानीय एलोन थापा र अतित गुरुङलाई नियन्त्रणमा लिएको छ ।
चालक र हेल्परलाई धम्क्याई नियमानुसार कर तिरेको नगदी रसिद हुँदा हुँदै थप पाँच सय जबरजस्ती मागेको अवस्थामा पक्राउ उनीहरुविरुद्ध सार्वजनिक अपराध मुद्दा दर्ता गरेको छ ।
असुलीमा सुवास परियार, रुपेश थापा र यम थापाको समेत मिलिमतो संलग्न रहेको खुलेकाले उनीहरुविरुद्ध मुद्दा दर्ता गरिएको प्रहरी उपरीक्षक सिद्धिविक्रम शाहले बताएका छन् ।
यसैगरी निषेधित क्षेत्रमा बालुवा लोड गरेको आरोपमा भिमाद नगरपालिका वडा नं. ५ पाटन दबलुङस्थित सेती नदी क्षेत्रबाट ग १ त ४४४६ र ग १ त २११४ नं. को ट्याक्टरलाई पनि प्रहरीले नियन्त्रणमा लिएको छ ।
दुवै ट्याक्टरलाई आवश्यक कार्वाहीको लागि जिल्ला समन्वय समितिको कार्यालय तनहुँमा पठाइएको प्रहरीले जनएको छ ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)