काठमाडौं : पूर्व सभामुख सुवास नेम्वाङले राष्ट्रपति विद्यादेवी भण्डारीलाई महारानी बनाउन लागेको भन्ने एक सांसदको शब्दप्रति आपत्ति प्रकट गरेका छन् । उनले राष्ट्रपतिको भूमिका संविधानमा नै स्पष्ट भएको भन्दै संसदको रेकर्डबाट उक्त शब्द मेटाउन सभामुखसँग अनुरोध गरेका छन् । ‘राष्ट्रपतिबारे विवाद छैन, यसपाली सर्वसम्मतरूपमा राषट्रपति चुनेका छाैं’ उनले भने ।
संसदमा सरकारले पेश गरेको नीति तथा कार्यक्रमको बचाऊ गर्दै नेम्वाङले निर्वाचनको घोषणापत्रको आधारमा नीति तथा कार्यक्रममा तयार गरिएको र बजेटमा उक्र कुरा आउने विश्वास दिलाए । उनले सरकारले पटक्कै दम्भ गगरेको जानकारी दिए । सरकारले कसरी काम गर्छ भन्ने कुरा निर्विवाध भएको भन्दै प्रतिपक्षले विरोधका लागि विरोध भन्दा पनि गुण र दोषका आधारमा प्रतिक्रिया दिन आग्रह गरे । ‘सरकारले यातायातको सिन्डीकेट अन्त्य गरेको छ, सुनकान्ड कारवाही सशक्त बनाएको छ’ उनले भने । नेम्वाङले प्रतिपक्षसँग मिलेर काम गर्न चाहेको बताए । ‘प्रतिपक्ष राज्यको अभिन्न अगं हो, यो सरकारको वेटिङ पक्ष हो’ उनले भने । उनले प्रतिपक्षले उचित भूमिका निर्वाह गर्न आग्रह गरे ।
उनले नीति तथा कार्यक्रममा विभेदकारी धारणा नभएको प्रष्ट पारेका छन् । ‘नीति तथा कार्यक्रममापथि साह्रै छलफल चल्यो, राम्रै भयो’ उनले भने । मध्यपहाडी लोकमार्ग पाँच वर्षभित्र सम्पन्न गर्ने र मदन भण्डारी राजमार्ग दुर्तगतिमा निर्माण गर्ने भन्ने कुरामा विरोध गर्नुृको तुक नभएको उनले बताए ।
प्रतिक्रिया दिनुहोस !
