विराटनगर : मोरङको बुढीगंगा गाउँपालिका- ३ स्थित भित्री सडकमा बिहीबार राति ट्रकले ठक्कर दिँदा एक पैदल यात्रुको मृत्यु भएको छ।
ना ७ ख ७०१९ नम्बरको ट्रकले ठक्कर दिँदा बुढीगंगा गाउँपालिका-४ बस्ने अन्दाजी ४५ वर्षीय नोनीदेवी चौधरीको घटनास्थलमै मृत्यु भएको इलाका प्रहरी कार्यालय नेमुवाले जनाएको छ। ट्रक र चालकलाई नियन्त्रणमा लिएर घटनाको अनुसन्धान सुरु गरिएको प्रहरीले जनाएको छ।
त्यस्तै मोरङकै कानेपोखरी गाउँपालिका-२ खानटोलमा बिहीबार राति ११ बजे को ३२ प ८९८८ नम्बरको मोटरसाइकल अनियन्त्रित भई दुर्घटना हुँदा मोटरसाइकलमा सवार तीनजना घाइते भएका छन्।
घाइते हुनेमा चालक कानेपोखरी ३ बस्ने २८ वर्षीय उत्सव चौधरी, पछाडि सवार ३० वर्षीय दुर्गा राजवंशी र सपन धिमाल रहेका छन्।घाइते तीनैजनाको विराटनगरस्थित न्युरो अस्पतालमा उपचार भइरहेको प्रहरीले जनाएको छ।
प्रतिक्रिया दिनुहोस !
५
