सन्धिखर्क ः अर्घाखाँचीको सन्धिखर्कमा पाँच नम्वर प्रदेश स्तरीय खुल्ला लोक दोहोरी गित प्रतियोगिता सुरु भएको छ। अर्घाखाँची कलाकार समाज काठमाण्डौको आयोजनामा आजबाट सुरु भएको प्रदेश स्तरीय खुल्ला दोहोरी गित प्रतियोगितामा प्रतियोगितामा ५ नम्बर प्रदेशका विभिन्न जिल्लाका १२ टिमको सहभागिता रहेको छ । प्रतियोगिता आइतबार सम्म सञ्चालन हुने छ ।
अर्घाखाँचीमा रहेका लोक तथा सास्कृतिक विशेषतालाई देश तथा विदेशमा चिनाउन र जिल्लामा रहेका कला र गलाको सम्मान गर्न लोक दोहोरी गित प्रतियोगिताको आयोजना गरिएको आयोजक अर्घाखाँची कलाकार समाज काठमाण्डौका अध्यक्ष मधुसुदन बन्जाडेले बताए।
प्रदेश सांसद चेतनारायण आचार्यले कलासंस्कृतीको माध्यमबाट जिल्लालाई चिनाउन यसप्रकारको कार्यले महत्वपुर्ण भूमिका खेल्ने बताए । । प्रदेश सांसद रामजी घिमिरेले लोकसंस्कृतीको नाममा विकृति फैलाउन नहुने कुरामा जोड दिए।
कार्यक्रममा प्रदेश सांसद निर्मला क्षेत्री, जिल्ला समन्वय समितिका प्रमुख पिताम्बर भुसाल, सन्धिखर्क नगरप्रमुख कमलप्रसाद भुसाल लगायतले मनतब्य राख्दै कला संस्कृतिको माध्यमबाट जिल्लालाई देशविदेशमा चिनाउन सहयोग पुग्ने भन्दै यसको विकासमा लाग्नुपर्ने बताए।
प्रतिक्रिया दिनुहोस !
