ललितपुर: यस वर्षको दयाराम परियार स्मृति पुरस्कार मानव सेवा आश्रमका रामजी अधिकारी र प्रेस स्वतन्त्रता सेनानी प्रेमकुमारी पन्तलाई प्रदान गरिएको छ ।
राष्ट्रिय मानव अधिकार आयोगको अठारौँ स्थापना दिवशको अवसरमा आइतवार ललितपुरमा आयोजित समारोहमा अधिकारी र पन्तलाई दयाराम परियार स्मृति पुरस्कार प्रदान गरिएको हो । पुरस्कारको राशी एक लाख रुपैयाँ छ ।
अधिकारकर्मी परियारको सम्मानमा राष्ट्रिय मानव अधिकार आयोगले सात वर्षदेखि प्रदान गर्दै आएको सम्मानलाई यस वर्षदेखि पुरस्कारमा रुपान्तरण गरिएको हो ।
यो सम्मान यसअघि अधिकारकर्मीहरु दुर्गा घिमिरे, चरिमाया तामाङ, टेकनाथ बराल, चन्द्र किशोर झा, डा.शिवमाया तुम्वाहाङफे, वलदेव राम, मातृका देवकोटा, श्यामसुन्दर शशी, नजवुल खान र विद्या राजभण्डारीलाई प्रदान गरिएको थियो ।
राष्ट्रिय मानव अधिकार आयोगका मानव अधिकार रक्षक दयाराम परियारको २०६२ चैत ११ गते जनकपुरमा मानव अधिकार अवस्था अनुगमनका क्रममा प्रहरीको गोली लागेको थियो । अधिकारकर्मी परियारले उपचारकै क्रममा २०६२ चैत्र १५ गते शिक्षण अस्पताल महाराजगन्जमा सहादत प्राप्त गरेका थिए ।
प्रतिक्रिया दिनुहोस !
