जाजरकोट : जाजरकोटमा नुन खानीको सम्भावना देखिएको छ । जिल्लाको बारेकोट गाउँपालिका वडा नं २ रोकायगाउँस्थित खाराखोलामा नुन खानीको भएको अनुमान गरिएको छ । यो खोलाको पानीमा सोडियम क्लोराइड जाँच गर्दा ९० प्रतिशत नुनको मात्रा भेटिएको हो । जाजरकोट प्रदेशसभा ‘क’ का सांसद गणेशप्रसाद सिंहले खाराखोलाको पानी लिएर वाटर इन्जिनियरिङ एन्ड टे«निङ सेन्टर काठमाडांैमा परीक्षण गर्दा यस्तो तथ्य फेला परेको जानकारी दिए ।
खोलाको एक लिटर पानी लिएर ल्याव टेस्ट गराउँदा पानीमा ९० प्रतिशत नुनको मात्रा रहेको तथ्य फेला परेको सांसद सिंहले अन्नपूर्णलाई बताए । खानी तथा भूगर्भ विभागका महानिर्देशक राजेश खनालले ल्याव टेस्ट गर्दा राम्रो नतिजा बताए । उनले भने, ‘केही दिनमै नुन खानीको स्थलगत अध्ययनका लागि टोली पठाउनेछु । म सानै हुँदा बारेकोटमा नुनखानी रहेको बुढापाकाले पनि बताउने गरेका थिए ।’
बारेकोटमा नुन निकाल्न सके देशलाई नुनमा आत्मनिर्भर बनाउन सकिने उनको विश्वास छ । खोलामा धेरै ठूलो पानी नभए पनि निरन्तर बगिरहने पानीबाट धेरै नुन उत्पादन गर्न सकिने उनले बताए । उनले भने, ‘यो खानीलाई विस्तृत अध्ययन गरी परियोजना अघि बढाउन सरकारको ध्यान जानु आवश्यक छ । बारेकोट गाउँपालिकाका अध्यक्ष महेन्द्रबहादुर शाहले प्रदेशसभाको बैठकमै यसबारे कुरा उठाउने जानकारी दिए । उनका अनुसार
बारेकोटमा नुन खानी मात्र होइन र फलाम खानी समेत छ । नुन र फलाम खानीको सम्भाव्यता अध्ययनका लागि खानी तथा भूगर्भ विभागलाई अनुरोध गरिएको र स्थानीय सरकारले त्यसका लागि आवश्यक सहयोग गर्ने उनको भनाइ छ । उनले बारेकोटमा धेरै वर्षदेखि नै स्थानीयले नुन खानी रहेको बताउने गरे पनि सरकारको ध्यान नपुग्दा खानी उत्खनन हुन नसकेको बताए ।
प्रतिक्रिया दिनुहोस !
