डोटीमा जीप दुर्घटना : ४ को मृत्यु , १० घाइते (अपडेट)
जेठ १४, २०७५ सोमबार १७:१५:०
डोटी : डोटीको बोगटान गाउँपालिका वडा नम्बर ६ गगुडाको पलाडीमा जीप दुर्घटना हुँदा ४ जना यात्रुको मृत्यु भएको छ भने १० जना घाइते भएका छन् ।दिपायलबाट गगुडातर्फ यात्रु बोकेर जाँदै गरेको से १ ज ८७७ नम्बरको बोलेरो जीप दुर्घटना भएको हो ।
स्थानीय केशब बोगटीले दिएको जानकारी अनुसार दुर्घटनाग्रस्त जीप सडकबाट करिब एक सय मिटर तल खसेको थियो । दुई पुरुष र दुई महिलाको मृत्यु भएको छ । मृत्यु हुनेमा चालक रामबहादुर बिक, जीप साहु भगत द्वारिया र ईन्नरी रावत रहेको घटनास्थलबाट स्थानीयले जानकारी दिएका छन् । एक जनाको भने सनाखत हुन सकेको छैन ।
प्रहरी उद्धारकालागि घटनास्थलतर्फ गइरहेको डीएसपी हेरम्ब शर्माले जानकारी दिए । कच्ची सडक भएका कारण सदरमुकामबाट घटनास्थल पुग्न करिब ४ घण्टा गाडीमा लाग्ने प्रहरीले जनाएको छ ।
प्रतिक्रिया दिनुहोस !
