किभ ः पश्चिमा सञ्चारमाध्यमले हत्या* भएका पत्रकार अर्कादी बाब्चेन्को जीवितै फेला परेका छन्। उनले बुधबार साँझ युक्रेनी टेलिभिजनमा बोल्दै आफू जीवितै रहेको बताएका छन्। रूसी राष्ट्रपति भ्लादिमिर पुटिनका आलोचक रूसी पत्रकारको गोली हानी उनको हत्या* गरिएको समाचार एएफपी, एपी र रोयटर्ससहितका समाचार एजेन्सीहरूले दाबी गरेका थिए।
उनको हत्या* युक्रेनको राजधानी किभमा मंगलबार साँझ भएको बताइएको थियो। ती पत्रकारले युक्रेनबाट क्रिमिया टुक्रिने समयमा पुटिनको भूमिकाको निकै विरोध गरेका कारण रूसी सत्ताको आदेशमा हत्या* गराइएको समाचार सम्प्रेषण गरिएका थिए।
राजधानी मस्कोमा रहेर पत्रकारिता गरिरहेका उनी त्यसपछि भागेर प्राग पुगेका र पछि किभमा बस्दै आएका थिए। उनी के कस्तो असुरक्षा थिए भन्ने बारेमा केही खुलाइएको थिएन। घटनापछि प्रहरीेले अनुसन्धान सुरु भएको जानकारी दिएको थियो।
सच्याइएको*: समाचार एजेन्सी रासस/एएफपीलार्इ उधृत गर्दै यसअघि सम्प्रेषित रूसी पत्रकारको हत्यासम्बन्धी समाचार उनी जीवितै भेटिएको पुष्टि भएपछि सुधारसहित संशोधन गरेका छौँ । यसबाट हाम्रा पाठकमाझ पर्न गएको असुविधाप्रति क्षमाप्राथी छौँ । पाठकमाझ भ्रम पर्न जाने भएकाले यसअघि सम्प्रेषित समाचारलार्इ यहाँबाट हटाएका छौँ । रूसी पत्रकार जीवितै रहेको सम्बन्धी समाचार यहाँ क्लिक गरेर विस्तृतमा पढ्न सक्नुहुनेछ । -सम्पादक
प्रतिक्रिया दिनुहोस !
