डडेल्धुरा : डडेल्धुरामा तीन थान अवैध भरुवा बन्दुकसहित चार जनालाई प्रहरीले पक्राउ गरी सार्वजनिक गरेको छ । गन्याधुरा गाउपालिका – ३ कान्तिपुरबाट अवैध भरुवा बन्दुक घरमा लुकाई छिपाई राखेको अवस्थामा चार जनालाई मंगलबार पक्राउ गरेको जिल्ला प्रहरी कार्यालयले जनाएको छ ।
उनीहरुलाई प्रहरीले हिरासतमा राखी अनुसन्धान गरी रहेको प्रहरी नायब उपरीक्षक चक्रराज जोशीले जानकारी दिए । अनुसन्धानवाट दोषी ठहर भएमा हातहतियार खरखजना ऐन २०१९ बमोजिम कारवाही गरिने प्रहरीले जनाएको छ ।
अन्य स्थानमा पनि अवैध बन्दुक लुकाएर राखेको हुन सक्ने प्रहरी नायव उपरिक्षक जोशीले जानकारी दिए । उनले स्थानीय , प्रदेश र संघको चुनावको समयमा जिल्ला प्रशासनमा २३ वटा बन्दुक मात्र बुझाएको जानकारी दिए ।
प्रतिक्रिया दिनुहोस !
