एजेन्सी
इङ्ल्यान्डको राष्ट्रिय टोलीका रक्षक आस्ले योङले रुस विश्वकप सुरु हुनुअघि नै यो विषयलाई विश्व फुटबल महासंघ (फिफ) सामु राख्ने बताएका छन्। ‘मैदानमा हामीमाथि सधैं दुव्र्यवहार हुने गरेको छ। यो विषयलाई फिफाले कसरी हेर्छ र के गर्छ भन्ने मुख्य कुरा हो। हामीले विश्वकपअघि नै यो विषय उठाउनु आवश्यक छ,’ योङले भनेका छन्।
कतिपय अवस्थामा रंगभेदको विषयलाई त्यत्तिकै सामसुम पार्ने काम भएको भन्दै योङले फिफाले यस विषयमा तत्काल ठोस निर्णय लिनुपर्ने बताए। हालै रुसमा भएको मैत्रीपूर्ण खेलका क्रममा फ्रान्सका खेलाडीले समेत रंगभेदको सिकार बन्नु परेको विषय सतहमा आएको थियो। आयोजक राष्ट्रका समर्थकले फ्रान्सका पल पोग्बा, ओसमेन डेम्बेल र एन्गोलो कान्टेजस्ता खेलाडीमाथि रंगभेदी दुव्र्यवहार गरेका थिए।
उक्त घटनापछि फिफाले रुसलाई २२ हजार पाउन्ड जरिवानासमेत गरेको थियो। यही घटनाबाट सशंकित बनेका इङ्ल्यान्डका केही खेलाडी विश्वकपका क्रममा पनि रंगभेदको सिकार हुनुपर्ला भन्ने चिन्तामा छन्। रुस विश्वकपको समूह ‘जी’ मा रहेको इङ्ल्यान्डले जुन १८ तारिखमा ट्युनिसिया आफ्नो पहिलो खेल खेल्दैछ।
प्रतिक्रिया दिनुहोस !
