काठमाडौँः स्पेनिस फुटबल क्लब रियल मड्रिडको म्यानेजर पदबाट प्रसिद्ध फ्रान्सेली फुटबलर जिनेदिन जिदानले राजीनामा दिएका छन् ।
पाँच वर्षका लागि क्लबको म्यानेजरको सम्झौता गरेका जिदानले अढाई वर्ष नबित्दै बिहीबार अपरान्ह अचानक पत्रकार सम्मेलन गरेर म्यानेजरबाट अलग्गिने घोषणा गरेका हुन् ।
पत्रकार सम्मेलनका क्रममा ४५ वर्षीय फ्रान्सेली सफल फुटबलर जिदानले आफ्ना लागि रियल मड्रिड छाड्ने सही समय भएको बताएका छन् । फ्रान्सलाई विश्वकप जिताएर सफल फुटबल खेलाडी बनेका उनले मड्रिडलाई लगातार तीन सिजन च्याम्पियन्स लिगको उपाधि दिलाउँदै प्रशिक्षकका रुपमा पनि सफल भएका थिए ।
जिदानले अढाई वर्ष कार्यकाल बाँकी रहँदै म्यानेजरबाट अलग्गिने घोषणा गरेका हुन् । लगातार तीन सिजन युरोपेली च्याम्पियन्स लिगको उपाधि दिलाएपछि जिदानले आकष्मिकरुपमा रियल मड्रिड छाडेका हुन् ।
प्रतिक्रिया दिनुहोस !
