काठमाडौँ: बेलायतको लड्स क्रिकेट मैदानमा केहीबेरपछि हुन लागेको च्यारिटी म्याचमा नेपाली लेग स्पिनर सन्दीप लामिछाने रहेको विश्व-११ ले टस जितेर पहिले बलिङको निर्णय लिएको छ ।
क्यारेबियन मुलुकहरूमा आँधीले भत्काएका क्रिकेट स्टेडियम पुनर्निर्माणका लागि हुन लागेको म्याचमा वेस्ट इन्डिजको टोलीले पहिले ब्याटिङको निम्ता पाएको छ । अाइसीसीले यस खेललार्इ टी-२० अन्तराष्ट्रियको मान्यता दिएको छ। सन्दीपको यो पहिलो टी-२० अन्तराष्ट्रिय खेल पनि हो।
वेस्टइन्डिज पहिले ब्याटिङमा उत्रिने भएपछि नेपाली स्पिनर सन्दीपले पनि पहिलो पारीमै बलिङ गर्न पाउने भएका छन् । टसपछि बोल्दै विश्व ११ का कप्तान शाहिद अफ्रिदीले यो खेलको एउटा टिमको सदस्य हुन पाएकोमा गर्ब महसस भएको बताएका छन् ।
विश्व ११ मा सन्दीपसँगै ल्युक रोन्ची, सोएब मलिक, साम विलिङ्स, दिनेश कार्तिक, मिचेल म्याकलेनाघन, थिसरा परेरा, रासिद खान, टायमल मिल्स, आदिल रसिद, मोहम्मद सामी, टम कुरानलगायत छन्। यो टिममा सन्दीप सबैभन्दा कान्छा क्रिकेटर हुन्।
वेस्ट इन्डिजको टिमको कप्तानी कार्लोस ब्राथवेटले गरेका छन्। उनको टिममा क्रिस गेल, एभिन लुइस, आन्द्रे फ्लेचर, रोमम्यान पोवेल, मार्लोन सामुयल्स, दिनेश रामदिन, स्यामुयल बद्री, एस्ले नर्स, आन्द्रे रसेल, रायद इमरिट, किमो पउल र केस्रिक विलियम्स रहेका छन्।यो खेल आँधीका कारण भत्किएको रंगशाला निर्माणका लागि खेल हुन लागेको हो। खेल बिहीबार राति १०:४५ बजे सुरु हुँदैछ ।
१७ वर्षको कलिलो उमेरका नेपाली क्रिकेटर लामिछाने क्रिकेटमा परिचित भएको चार बर्ष पनि पुगेको छैन। छोटो अवधिमै उनले आफ्नो क्रिकेट करियरमा एकपछि अर्को आयाम थप्न सफल भएका छन्।
लगातार सफलताको शिखर चढिरहेका सन्दीप टीट्वेन्टी विश्व कप च्याम्पियन टोली वेष्ट इन्डिजविरुद्ध मैत्रीपुर्ण खेलका लागि विश्व–११ टोलीमा समावेश भएका हुन। यो अवसर नेपाल जस्तो एसोसिएट राष्ट्रका खेलाडीलाई बिरलै प्राप्त हुन्छ।
अन्तर्राष्ट्रिय क्रिकेट काउन्सिल (आईसिसी) ले आज इङ्ल्यान्डसको ऐतिहासिक लर्ड्स मैदानमा हुने खेलका लागि विश्व-११ टोलीमा सन्दीपलाई छनोट गरेको हो।
विश्व-११ टोलीले वेष्ट इन्डिजविरुद्ध गत वर्ष आएको आँधिले भत्किएको स्टेडियम पूर्ननिर्माणका लागि च्यारीटी खेल हुन लागेको हो। आइसीसीले उक्त टोलीमा सन्दीपलाई समावेश गर्नु नेपाली क्रिकेटका लागि समेत ठूलो अवसर भएको क्रिकेट पण्डितको भनाइ छ।
प्रतिक्रिया दिनुहोस !
